Malinin keçid hökuməti Ukrayna ilə diplomatik münasibətləri kəsmək qərarına gəlib.
Axar.az xəbər verir ki, bu barədə Mali hakimiyyətinin “aBamaco” portalında yayımlanan bəyanatında bildirilib.
Qərar Ukraynanın iyulun sonunda Mali hökumət qoşunlarının və onların tərəfində döyüşən “Vaqner” silahlılarının kolonuna hücum edən Tuareq qəbiləsindən olan üsyançılara dəstəyin verilməsi ilə əlaqədar qəbul edilib. Mali hakimiyyəti hesab edir ki, Ukraynanın hərəkətləri ölkənin suverenliyini pozur və beynəlxalq terrorizmi dəstəkləyir.
