
Heç bir müəllimin şagirdə əl qaldırmağa səlahiyyəti yoxdur -Sosioloq
11:12 30.09.2024
Sosial
551
Xaçmaz şəhər C.Cabbarlı adına 6 nömrəli tam orta məktəbdə təhsil alan şagirdin müəllimləri tərəfindən döyüldüyü deyilir.
Bu barədə “Qafqazinfo”ya müraciət daxil olub.
İddiada qeyd edilib ki, dərs vaxtı Fiziki Tərbiyə müəllimi Azər Bəşirov və Gənclərin çağırışaqədərki hərbi hazırlığı müəllimi Həsənbala Xasməmmədov dərsi buraxaraq şahmat oynayıblar. Nəticədə şagirdlər nəzarətsiz qaldıqları üçün sinif otağında səs-küy salıblar. İddiaya əsasən, həmin müəllimlər sinfə gələrək 11-ci sinif şagirdi B.Ü.-nü ölümcül halda döyüblər.
Məsələ ilə bağlı Xaçmaz şəhər Təhsil İdarəsindən belə cavab verildi:
“26.09.2024-cü il Xaçmaz şəhər C.Cabbarlı adına 6 nömrəli tam orta məktəbin səhər növbəsinin I saatında təqribən 08:30-08:45 radələri arasında məktəbin 11-ci sinif şagirdi B.Ü Gənclərin çağırışaqədərki hərbi hazırlığı dərsindən məktəbin yeməkxanasına gedərkən məktəbin həyətində fiziki tərbiyə dərsində olan 9-cu sinif şagirdi J.A.-ya topu zərblə atıb və top qızın qarın nahiyəsinə möhkəm dəyib. Nəticədə isə fiziki tərbiyə müəllimi Bəşirov Azər Musayib oğlu 11-ci sinif şagirdini tənbeh edib.
Qeyd edirik ki, J.A. 3 ay bundan əvvəl qarın nahiyəsindən əməliyyat olunub və müəllimin digər şagirdə sərt reaksiyası da bu səbəbdən olub. Nəticədə məktəb rəhbərliyi şagirdləri və müəllimi dəvət edərək onların izahatını alıb və barışıq edib”.
Açıqlamada qeyd edilib ki, müəllim polis şöbəsinə də dəvət edilib: “Hadisədən bir saat sonra Xaçmaz Rayon Polis Şöbəsinin əməkdaşları tərəfindən məktəbin fiziki tərbiyə müəllimi Bəşirov Azər Musayib oğlu polis şöbəsinə çağırılıb və orada ona şagirdi döydüyü üçün dəvət olunduğu qeyd edilib. Lakin Xaçmaz Rayon Polis Şöbəsi döyülmə hadisəsinin olduğunu təsdiq etməyib. Hazırda valideynlərin heç bir şikayəti yoxdur və şikayətçi olmadıqlarını yazılı bildiriblər”.
DİN Mətbuat Xidmətinin Quba regional qrupunun baş inspektoru polis baş leytenantı Xəyal Talıbov cavab olaraq bildirib ki, məktəbdə mübahisə olması ilə bağlı polisə məlumat daxil olub. Hazırda araşdırma aparılır.
Sosioloq Mətanət Məmmədova “Sherg.az”a bildirib ki, bu məsələ hələ ki, dəqiq şəkildə araşdırılır:

“Heç bir müəllimin şagirdə əl qaldırmağa, sinif yoldaşlarının yanında təhqir etməyə səlahiyyəti yoxdur. Eyni zamanda şagird də məktəb daxilində məktəb davranışlarına uyğun addım atmalıdır. Yəni müəllimlərinə qarşı hörmət etməli, sinif yoldaşları və digər şəxslərə qarşı tərbiyəli olmalıdır. Düşünürəm ki, bu məsələ bilmədən oyun zamanı baş verib. Ümumiyyətlə müəllimlərin səlahiyyəti yoxdur ki, dərsi boş qoyub şahmat oynasın, uşaqlarda öz başına qalıb istədiklərini etsinlər. Bəzi müəllimlər dərsi boş qoymasa bu cür problemlər yaranmaz. Son vaxtlar məktəblərimizdə müəllim şagird problemi artmaqdadır. Bunun da başlıca səbəbi çox vaxt müəllimlərdə olur. Çünki müəllimlər uşaqlardan yaşca daha böyükdürlər. Müəllim hər xarakterdə olan uşaqla dil tapmalıdır ki, sonra problemlə nəticələnməsin. Ümid edirəm ki, təhsil sistemimizdə bu kimi söz söhbətlər tez zamanda aradan qalxacaq”.
Oxşar xəbərlər
Xəbər lenti
Hamısına bax
Rektor qəzaya düşdü, akademik həyat yoldaşı ölüb
10:16 20.11.2026
Hadisə
Tramp tarixi üçtərəfli sammiti dəyərləndirdi: 10 üzərindən 12 bal
10:02 20.11.2026
Dünya
ABŞ Senatından Trampa İrana hücum dəstəyi gəldi
09:58 20.11.2026
Gündəm
Mossad rəhbəri ABŞ-ı İrana zərbələri bərpa etməyə çağırıb
09:57 20.11.2026
Dünya
Agentliyə yeni şöbə müdiri təyin olunub
09:36 20.11.2026
Elm və Təhsil
Bakıda gənc oğlan dostu tərəfindən bıçaqlandı
09:28 20.11.2026
Hadisə
QHT-lər üçün qrant müsabiqələri elan olundu - ŞƏRTLƏR
09:19 20.11.2026
Sosial
Bakının bir sıra yollarında tıxac yaranıb
08:57 20.11.2026
İnfrastruktur
Noyabrın 20-si üç BÜRC üçün xüsusi gün olacaq
08:48 20.11.2026
Sosial
Xərçəngə səbəb olan qidalar - Siyahı yeniləndi
08:20 20.11.2026
Sağlamlıq
Karles Puyola vəzifə verildi
07:51 20.11.2026
Futbol
Bella yeni sevgilisi ilə xoşbəxt görünür
05:25 20.11.2026
Şou
Uşaqlar arasında anemiya halları artır: Əsas səbəb nədir?
04:50 20.11.2026
Sağlamlıq
Pentaqonda ciddi sursat çatışmazlığı üzə çıxıb
04:14 20.11.2026
Hərbi
AB-nin bu strategiyası qaydaları pozur - Bolat
03:33 20.11.2026
Region