Xoşbəxt sonluq
Əlcəzairli bitişik əkizlər Rinad və Rinas Türkiyədə uğurlu əməliyyatla bir-birindən ayrılıb. “TRT Haber”in məlumatına görə, əməliyyatı həyata keçirən həkimlər "Etdiyimiz əməliyyatla hər iki ürək üçün iki kisə yaratdıq. Ürəklərin iki ayrı kisədə döyünməsini görmək ən böyük xoşbəxtlik idi" dedilər. Plastik, rekonstruktiv və estetik cərrahiyyə mütəxəssisi Dos. Dr. Erdem Güven əməliyyatın aparılacağı bölgəyə yaxın ərazidə artıq dəri yaratmağa çalışdıqlarını bildirib. Əsas məqsədin əkizləri kənardan heç bir yad toxuma almadan öz toxumaları ilə düzəltmək olduğunu və bu üsulun xüsusilə çox gənc körpələrdə “qızıl standart” olaraq qəbul edildiyini ifadə edən Güven, “Üstünə silikon balon yerləşdirdik. Hamilə qadının qarnının böyüməsi kimi, hər iki körpənin də genişlənməsini təmin etdik öz canlılığı və eyni keyfiyyət və rəng tonu ilə başqa bir toxuma istifadə edilsəydi, bədənlərində bir yamaq kimi görünərdi", deyib. Anesteziologiya və reanimasiya mütəxəssisi Dr. Mehmet Bilhan Hayırlıoğlu cərrahiyyə prosesində 4-ü anestezioloq və 4-ü anestezioloq olmaqla 8 nəfərdən ibarət anesteziya qrupunun iştirak etdiyini açıqlayıb. Hayırlıoğlu bitişik əkizlərin çox rastlaşdıqları xəstə qrup olmadığına diqqət çəkib və belə davam edib: "Dünyada bunun tezliyi çox azdır. Bizim üçün çətin məqam cərrahiyyə zamanı intubasiya, başqa sözlə, tənəffüs yollarına borunun yerləşdirilməsi prosesi idi. Rinad və Rinas əməliyyat masasında özlərini yerləşdirməkdə çətinlik çəkirdilər. Sinələrinə yapışdıqları və üzləri bir-birinə baxdıqları üçün "Eyni səbəbdən damarlara giriş və kateterizasiyada da çətinlik çəkdik. Bundan əlavə, əkizlərdən biri olan Rinasa daha spesifik anesteziya tətbiq etməli olduq. Çünki onun anadangəlmə ürək xəstəliyi var idi”. Digər mühüm problemin iki uşağın eyni vaxtda müalicəsi olduğuna işarə edən Hayırlıoğlu, normal prosedurdan başqa iki fərqli xəstəni eyni anda və eyni əməliyyat otağında izləmələrinin lazım olduğunu bildirib. Rinad və Rinas üçün iki fərqli anesteziya qrupu təyin etdiklərini bildirən Hayırlıoğlu, qrupların əməliyyat zamanı xəstələrdə baş verən dəyişiklikləri yaxından izlədiklərini və lazımi müdaxilələri etdiklərini açıqlayıb. Ürək-damar cərrahiyyəsi mütəxəssisi Prof. Dr. Ersin Erek bildirib ki, hər iki ürəyi əhatə edən böyük ürək kisəsi açıldıqdan sonra mal-qaradan alınan perikardit toxuması elə tikilib ki, hər ürəyin öz kisəsi olsun. 6-12 saat ərzində ikinci ürək əməliyyatı keçirmək planlaşdırılıb. Ana Amal Belkacem əməliyyatdan sonra ilk dəfə qızlarını tək qucaqlaya bildiyi üçün xoşbəxt olduğunu bildirib. Belkacem əməliyyatdan sonra qızı Rinadın gözləri ilə reanimasiyada yatan bacısı Rinası çağırdığını və qızlarının 18 aydır üzləri bir-birinə baxaraq, sinələrinə yapışaraq yaşadıqlarını bildirib. Əkizlərin əlləri, qolları və ayaqları ilə davamlı olaraq bir-birləri ilə təmasda olduqlarını və özlərini bir bütöv gördüklərini açıqlayan Belkacem, “əməliyyatdan sonra qızım Rinad da gözləri ilə öz tayını axtarırdı, o, gecələr tək yata bilmirdi, amma yanında uzananda gözlərini yuma bilirdi”, deyib. Ata Səid Belkacem əkizlərinin sağlam şəkildə bir-birindən ayrıla biləcəyinə dair ümidlərini hər zaman qoruduqlarını qeyd edib. Əkizlərin türkiyəli həkimlərin böyük səyləri və uğurları sayəsində ayrıldığını bildirən Belkacem, “İndi tək diləyimiz ürək xəstəliyi olan qızımızın bir neçə ay sonra ediləcək əməliyyatla sağlamlığına qovuşmasıdır", söyləyib.
