Dudanın Makronsayağı davranışları Cənubi Qafqazla siyasətinə ciddi təsir göstərə bilər -ŞƏRH
13:47 28.11.2024
Siyasət
644
Noyabrın 28-də Polşanın Azərbaycandakı müvəqqəti işlər vəkili Mixal Qreçilo Xarici İşlər Nazirliyinə çağırılıb. Xarici İşlər Nazirliyindən verilən xəbərə görə, görüş zamanı, Azərbaycan tərəfinin xəbərdarlıqlarına baxmayaraq, Polşa Prezidenti Anjey Dudanın Ermənistan-Azərbaycan sərhəd bölgəsinə, hələ də Ermənistanın işğalı altında olan Kərki kəndinə yaxın əraziyə səfər edərək, Avropa İttifaqının Ermənistandakı Missiyası ilə birgə Azərbaycan əleyhinə təbliğatda iştirakına etiraz bildirilib. Sözügedən missiyanın regional sabitlik, habelə Azərbaycanla Ermənistan arasında etimad quruculuğuna töhfə vermək kimi bəyan edilmiş məqsədlərinə zidd olaraq, Azərbaycan əleyhinə alət kimi geniş şəkildə sui-istifadə olunduğu xatırlanıb. Bu təxribatın Azərbaycan-Polşa münasibətlərinə zidd olduğu, Azərbaycanın legitim təhlükəsizlik maraqlarına təsir edən bu kimi addımlardan çəkinməyin zəruri olduğu diqqətə çatdırılıb.
Politoloq Zeynal Əmrəliyev “Sherg.az”a söyləyib ki, Avropa Birliyinin müşahidə missiyası adı altında fəaliyyət göstərən həmin qrupun işinə Azərbaycan Praqada görüşündə icazə vermişdi:
“Həmin qrupun fəaliyyətiylə bağlı konkret zaman müəyyənləşmişdi və onlar həmin vaxt çərçivəsində işini yekunlaşdırmalıydı. Yəni Ermənistan Azərbaycan qarşısında belə bir öhdəliyi öz üzərinə götürmüşdü. Buna baxmayaraq rəsmi İrəvan davamlı şəkildə həmin qrupun fəaliyyət müddətinin uzadılması ilə bağlı qərarlar çıxarır. Müşahidə missiyası altında fəaliyyət göstərən qrup da “Binokl diplomatiyası” həyata keçirməklə kəşfiyyat məlumatları toplamaqla məşğuldur. Onların yanına Fransa bayrağı olan avtomobillər yerləşdirilib. Fransa kəşfiyyatçıları da onlara qoşularaq faktiki şəkildə Azərbaycanla sərhəddə kəşfiyyat məlumatları yığırlar. Bu Azərbaycana qarşı qərəzli mövqedir. Azərbaycanla münasibətləri normal səviyyədə olan Polşa Prezidenti Andjey Dudanın müşahidə missiyasını ziyarət etməsi və onların fəaliyyəti ilə bağlı sözlər deməsi də kifayət qədər qərəzli yanaşmadır. Görünən odur ki, Polşa prezidenti hakimiyyətdən getməsinə az qalan bir vaxtda regionda gərginliyin artmasında maraqlıdır. Hesab edirəm ki, Duda özünü Fransa prezidenti Emmanuel Makronun yanında görür. Dudanın Makronsayağı davranışları onun Cənubi Qafqazla siyasətinə ciddi təsir göstərə bilər. Hətta Bakı və Varşava arasındakı münasibətlərə ciddi şəkildə xələl yetirər. Polşa regionda sülh və təhlükəsizliyə əngəl yaradacaq addımlardan qaçınmalıdır. Çünki belə addımlar onun öz ziyanınadır. Duda yaxşı bilir ki, Cənubi Qafqazın açar dövləti Azərbaycandır və rəsmi Bakıyla münasiblətləri pisləşdirmək Polşaya yaxşı heç nə vəd etmir”.
Oxşar xəbərlər
Xəbər lenti
Hamısına bax
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya