Türkiyənin Mərsin bölgəsində yerləşənTarsusun Yeşilevler rayonunda baş verən hadisədə 6-sı uşaq olmaqla 8 nəfər zəhərlənmə ehtimalı ilə xəstəxanaya yerləşdirilib. Ailənin Suriya kökənli olduğu bildirilir.
“Sherg.az” “Milliyet.com.tr.”yə istinadən bildirir ki, uşaqlardan 2 yaşlı Rana və 4 yaşlı Ömər əl-Yusufun həyatını Tarsus Dövlət Xəstəxanasında edilən bütün müdaxilələrə rəğmən qurtarmaq mümkün olmayıb. Vəziyyəti ağır olan 9 yaşlı Ahid, 7 yaşlı İlaf, 4 yaşlı Selem əl-Yusuf və 1 yaşlı Selam Duho Mərsin Şəhər Xəstəxanasına aparılıb, uşaqların atası Memun və anaları Hazal Duho da xəstəxanaya yerləşdirilib. Mersin Şəhər Təhsil və Araşdırma Xəstəxanasının Uşaq Reanimasiya şöbəsində müalicə alan uşaqlar Ahid, İlaf, Selem Elyusuf və Selam Duho dünən axşam saatlarında Etlik və Bilkent Şəhər Xəstəxanalarına göndərilib. Uşaqlardan biri, 4 yaşlı Selem Elyusuf xəstəxanaya çatdırılana kimi yolda vəfat edib. Bununla da, hadisə zamanı ölən uşaqların sayı 3-ə çatıb. Bu arada AFAD qrupları tərəfindən evdə aparılan yoxlama və ölçmələrdə zəhərli qazların aşkar edildiyi öyrənilib, siçan və ya buna bənzər zəhərin hava və su ilə reaksiya verməsi nəticəsində zəhərlənmənin baş verə biləcəyi qiymətləndirilib. Digər tərəfdən, vəziyyətinin yaxşı olduğu üçün müalicədən imtina edən ana Hazal Duho haqqında məlumatın da prokurorluğun göstərişi ilə polis tərəfindən axtarıldığı öyrənilib. Duhonun ifadəsində evlərində siçovul olduğu üçün müxtəlif yerə siçovul zəhəri qoyduğunu, uşaqların xəstələndiyini, kiçik oğlanın əlində siçovul zəhəri gördüklərini, xəstəxanaya getdiklərini düşünərək xəstəxanaya getdikləri öyrənilib. Fabrikdə çalışan ata Əl-Yusuf da ifadəsində Hazal Duho kimi evə siçovul zəhəri tökdüklərini deyib. Digər tərəfdən, AFAD qrupları bu gün son yoxlamalarını tamamlayıb. Araşdırmalardan sonra əldə edilən tapıntıların bu gün Ankaraya göndəriləcəyi bildirilib. 3 uşağın ölümü ilə nəticələnən hadisə ilə bağlı qonşular ailənin 3 ilə yaxındır burada yaşadığını, amma onları yaxşı tanımadıqlarını bildiriblər.
