Polşada keçirilən prezident seçkilərinin qalibi Karol Navroçki ölkəni “ləyaqətlə təmsil edəcəyinə” və vətəndaşlar üçün vacib olan bütün məsələləri nəzərə alacağına söz verib.
Teleqraf xəbər verir ki, bu barədə Navroçki sosial şəbəkə hesabında yazıb.
Polşa lideri bildirib: "Çətin seçki kampaniyası arxada qalıb. Səsləriniz sayəsində mən Polşa Respublikasının Prezidenti seçildim. Bu, böyük məsuliyyət və borcdur. Bu qərarı təvazökarlıqla və hörmətlə qəbul edirəm. Mənə verilən hər bir səsə, hər xoş sözə və jestlərə görə təşəkkür edirəm”.
Prezident seçkilərinin qalibinin fikrincə, onun seçilməsi polyakların “ən zəiflərin qayğısına qalan təhlükəsiz, iqtisadi cəhətdən güclü, beynəlxalq, Avropa və transatlantik münasibətlərdə çəkisi olan” ölkədə yaşamaq istədiklərini göstərir: “Əmin ola bilərsiniz ki, dövlət başçısı kimi mən Polşa üçün vacib olan heç bir məsələni diqqətdən kənarda qoymayacağam. Mən Polşaya subyektiv münasibəti müşahidə edərək, sizi beynəlxalq arenada ləyaqətlə təmsil edəcəyəm".
Xatırladaq ki, iyunun 2-də Polşada prezident seçkilərinin ikinci turu keçirilib. Seçkilərin qalibi Karol Navroçki olub. O, seçkiyə qatılanların 50,89 faizininin səsini toplayıb. Digər namizəd Rafal Tşaskovski 49,11 faiz səs yığıb.
