Ağ Evdən Prezident Rəcəb Tayyib Ərdoğanın üçtərəfli görüş çağırışına cavab gəlib.
Sherg.az xəbər verir ki, Ağ Evin mətbuat katibi Karoline Leavitt, ABŞ Prezidenti Donald Trampın Prezident Rəcəb Tayyib Ərdoğanın Rusiya və Ukrayna liderləri ilə Türkiyədə üçtərəfli sülh görüşməsi təklifinə açıq olduğunu bildirib.
Leavitt deyib: “Prezident, əgər bu mərhələyə gəlinərsə, belə bir təklifə açıq olacağını söyləyib. Lakin hər iki liderin və tərəflərin birlikdə masaya oturmasını istəyir.”
Prezident Ərdoğan, dünən Rusiya ilə Ukrayna arasında keçirilən ikinci tur danışıqlardan sonra verdiyi açıqlamada belə demişdi: “Mənim ən böyük arzum həm cənab Vladimir Putini, həm də Zelenskini eyni zamanda İstanbulda və ya Ankarada bir araya gətirməkdir. Hətta cənab Trampı da onların yanına əlavə etmək. Əgər qəbul etsələr, mən də bu görüşdə iştirak edərəm və bununla da İstanbulun sülh mərkəzi olmasını istəyirəm. Bu istiqamətdə son görüşdən sonra addımlar atacağıq.”
