ABŞ Prezidenti Donald Tramp Ukraynaya ATACMS raketlərindən istifadə etmək üçün icazə verə bilər.
Teleqraf xəbər verir ki, bu barədə "The Washington Post" məlumat yayıb.
Məlumata görə, söhbət Ukraynanın artıq mövcud olan 18 ədəd ATACMS raketindən gedir və Tramp bu raketlərin Rusiyanın Ukrayna sərhədindən uzaq bölgələrinə qarşı istifadə olunmasına razılıq verə bilər.
"Həmçinin ABŞ rəhbərliyi Kiyevə əlavə ATACMS raketlərinin tədarükü barədə də qərar qəbul edə bilər. Bu raketlərin uçuş məsafəsi təxminən 300 kilometr təşkil edir",- məlumatda deyilir.
