Yeni bir araşdırmada alimlər nəhayət 500 milyon il əvvəl yaranan nəhəng geomaqnit anomaliyasının izahını tapıblar.
Oxu.Az xəbər verir ki, bu barədə "Science Alert" yazır.
Nəticələr göstərir ki, nasazlıq Yer qitələrinin hərəkətindən qaynaqlanmayıb.
Qaya süxurlarının içərisində gizlənmiş maqnit izləri planetimizin maqnit sahəsi və qitələrin, tektonik plitələrin minilliklər ərzində necə dəyişdiyi haqqında təsəvvür yaradır.
Yel Universitetinin rəhbərlik etdiyi beynəlxalq alimlər qrupu təxminən 630-540 milyon il əvvələ aid süxurları təhlil edib. Nəticədə, alimlər uzun müddətdir gizli qalan bir sirri üzə çıxarıblar.
Bu dövrün maqnit qeydləri maqnit sahəsində kəskin və xaotik dalğalanmaların olduğunu göstərir - sanki qitələr Yer səthində inanılmaz sürətlə hərəkət ediblər. Məlum olub ki, bu anomaliya əslində qitələrin qəribə davranışından deyil, planetimizin maqnit sahəsindən qaynaqlanır. Komanda hesab edir ki, anomaliyanın ən yaxşı izahı planetin ətrafındakı xaotik maqnit sahəsidir. Elm adamları anomaliyaların qismən Yer nüvəsinin davam edən formalaşması nəticəsində yarana biləcəyini qeyd ediblər.
