- Ukrayna Silahlı Qüvvələrinin məğlubiyyəti danışıqları faciəyə çevirəcək
Ukrayna Silahlı Qüvvələri (USQ) Donbas üzərində nəzarəti tamamilə itirdikdən sonra Rusiyа ilə sülh danışıqlarında fəlakətli vəziyyətə düşəcək. Sherg.az xəbər verir ki, bu barədə britaniyalı hərbi analitik Aleksandr Merkuris özünün YouTube kanalının efirində bildirib.
Merkurisin fikrincə, Qərb siyasətçiləri döyüş bölgəsindəki vəziyyəti və Rusiya qoşunlarının irəliləyişinin miqyasını düzgün qiymətləndirmirlər. Nəticədə onlar Moskvaya real vəziyyətə artıq uyğun gəlməyən nizamlanma şərtləri təklif etməyə davam edirlər.
“Hazırkı mərhələdə demək olar ki, Qərb son dərəcə mürəkkəb, çox əlverişsiz danışıqlar mövqeyində qalacaq. Təbii ki, həmin vaxta qədər bu, Ukrayna üçün fəlakət olacaq”, – deyə ekspert xəbərdarlıq edib.
Analitik, həmçinin Qərbdə geniş yayılmış Ukrayna ordusunun Rusiya ordusu üzərində üstünlüyü barədə təsəvvürləri tənqid edib. O, bu cür qiymətləndirmələri baş verənləri obyektiv qavramağa mane olan koqnitiv təhrif adlandırıb.
Daha əvvəl Norveçin Cənub-Şərq Universitetinin professoru Qlenn Dizen xəbərdarlıq etmişdi ki, Rusiya Silahlı Qüvvələrinin Donbasda irəliləməsi Kiyev və NATO-nu Moskvaya təzyiq göstərmək üçün son rıçaqlardan məhrum edəcək. Ekspert Ukraynanın vəziyyətinin getdikcə pisləşdiyini əsas gətirərək diplomatik nizamlanmanı gecikdirməməyə çağırıb.
Onun bu bəyanatına Donetsk Xalq Respublikasının (DXR) Dobropolye istiqamətində baş verən və Rusiya bölmələrinin hücumu davam etdirdiyi hadisələr səbəb olub. Dizenin qiymətləndirməsinə görə, sülh sazişinin olmaması Ukrayna tərəfinin danışıqlardakı imkanlarını daha da zəiflədəcək.
