Çin Xalq Azadlıq Ordusu (ÇXAO) hərbi təlimlərdə Tayvan adasına havadan və dənizdən mümkün zərbələri məşq edir.
“Report” xəbər verir ki, bu barədə CCTV məlumat yayıb.
Qeyd olunub ki, təlimlər zamanı ÇXAO-nun bölmələri adada, eləcə də ona bitişik akvatoriyada əsas hədəflərə zərbələr endirmək üçün məşq edir.
Xatırladaq ki, Çin Xalq Azadlıq Ordusu aprelin 8-də Tayvan adasının şimalında, cənubunda və şərqində dənizdə və havada döyüş hazırlığı təlimləri və patrul fəaliyyətini birləşdirən əməliyyatlara başlayıb. “Birgə qılınc” adlanan əməliyyat aprelin 10-dək davam edəcək.
Çinin ada ətrafındakı təlimləri Tayvan lideri Tsay İnvenin Mərkəzi Amerikaya səfəri zamanı Los Anecelesdə dayanaraq, ABŞ Nümayəndələr Palatasının spikeri Kevin Makkarti ilə görüşündən sonraya təsadüf edir.
