Biz şəhər quldurluğuna heç vaxt boyun əyməmişik. Bundan sonra da belə davam edəcəyik.
Axar.az xəbər verir ki, bunu Türkiyə Prezidenti Rəcəb Tayyib Ərdoğan daxili işlər naziri Əli Yerliqayaya hücumu şərh edərkən deyib.
"Siyasi partiya olaraq bazarlarda, küçələrdə müxalifətdən qat-qat güclü varlığımız var. Xalqımızla əlaqəmizi kəsmədik", - Ərdoğan bildirib.
Qeyd edək ki, noyabrın 20-də TBMM-nin Plan və Büdcə Komissiyasında dövlət rəsmiləri ilə müxalifət nümayəndələri arasında qarşıdurma olub. CHP-çi deputatlar Əli Yerliqaya və digər rəsmilərin qarşısını kəsib, nəticədə tərəflər arasında qarşıdurma olub.
