Estoniyanın Rusiyadakı səfiri Marqus Laydre Moskvadakı iqamətgahını tərk edib.
Bu barədə diplomatik dairələrdəki mənbə bildirib.
Laydrenin səhər tezdən avtomobillə yola düşdüyü bildirilir.
Qeyd edək ki, Rusiya Xarici İşlər Nazirliyi bundan əvvəl Estoniya ilə diplomatik münasibətlərin səviyyəsinin enməsi ilə bağlı bəyanat yaymışdı. Mətndə qeyd edilirdi ki, Tallin Rusiya səfirliyinin əməkdaşlarının sayını azaltmaqla yeni dost olmayan addım atıb. Moskva vurğulayıb ki, belə bir addım ölkələr arasında münasibətlərin pozulması xəttini təsdiqləyir.
Xəbər verildiyi kimi, Rusiya tərəfi də cavab olaraq diplomatik nümayəndələrinin sayını azaldıb.
Qəbul olunan qərar və bəyanatlara əsasən, hər iki səfirə fevralın 7-də ölkələri tərk etmələri barədə göstəriş verilib.
Mənbə: MK.ru
