"Qəzza İordan çayının qərb sahili və Şərqi Qüdslə birləşdirilməlidir".
Oxu.Az xəbər verir ki, bu sözləri Nyu-Yorkda keçirilən Birləşmiş Millətlər Təşkilatının İsrail və Fələstinin "iki dövlət" həllinə dair konfransdakı çıxışında Fələstin Muxtariyyətinin Baş naziri Məhəmməd Mustafa deyib.
O, fikrinin davamında bəyan edib ki, Qəzza Fələstin hökumətinin nəzarətinə keçməlidir.
Məhəmməd Mustafa bəyan edib ki, HƏMAS-ın Qəzza zolağındakı nəzarəti sona çatmalı və o, silahlarını yerə qoyaraq Fələstinin Muxtariyyətinə təhvil verilməlidir.
"BMT mandatı altında olacaq beynəlxalq və regional kontingenti Qəzzaya dəvət etməyə hazırıq", - deyə Məhəmməd Mustafa qeyd edib.
Fələstinin Muxtariyyətinin Baş naziri bütün dünya ölkələrini iki dövlət prinsipinin həyata keçirilməsini təşviq etməyə çağırıb.
