Sağçı “Ayağa qalx, Fransa” partiyasının lideri Nikolas Dupont-Aignan sosial şəbəkə X-də Ukrayna prezidenti Volodimir Zelenskini Rusiyanın neftinə qarşı sanksiyaların bərpasına çağırışlarına görə tənqid edib.
Sherg.az xəbər verir ki, “Səlahiyyətindən sui-istifadə edən müharibə spekulyantı olan Zelenski yalnız Rusiya ilə münaqişənin daha da kəskinləşməsinə çalışır”, - deyə siyasətçi bildirib.
O əlavə edib ki, sülh istəyən hər bir sağlam düşüncəli insan əksinə, deeskalasiyanın tərəfdarı olardı.
Aprelin 8-də Zelenskinin ofisinin rəhbər müavini Pavlo Palisa qeyd etmişdi ki, Yaxın Şərqdəki münaqişə fonunda neft qiymətlərinin artması Rusiyaya üstünlük verir, lakin Ukrayna Moskvanın bundan istifadə etməməsi üçün “əlindən gələni edəcək”.
Aprelin 7-də Kremlin rəsmi nümayəndəsi Dmitri Peskov brifinq zamanı bildirib ki, Moskva enerji resurslarının alınması ilə bağlı çoxlu sayda sorğu alır.
Həmçinin "Bloomberg" agentliyi yazıb ki, Rusiyanın “Urals” markalı neftinin bir barelinin qiyməti 116,05 dollara çatıb ki, bu da son 13 ilin maksimum göstəricisidir. Məqalə müəllifləri vurğulayırlar ki, bu artıma İsrail və ABŞ-nin İranla bağlı münaqişəsi təsir edib.
Daha əvvəl bir deputat Rusiyayla 10 illik müharibə üçün insan resursları barədə dediyi sözlərə görə özünü müdafiə etmişdi.
