Livanın Hizbullah şiə hərəkatının döyüşçüləri döyüş meydanında qalacaq və İsrailin atəşkəs rejimini pozmasına cavab verəcəklər.
Axar.az xəbər verir ki, bunu Hizbullahın Baş katibi Naim Qasım deyib.
“Ona görə ki, biz düşmənə etibar etmirik. Müqavimət qüvvələrinin üzvləri döyüş meydanında və təcavüzkar tərəfin pozuntularına uyğun şəkildə cavab verəcəklər”, - deyə o bildirib.
Həmçinin Qasım qeyd edib ki, hərəkat Livanın suverenliyinə nail olmağa əsaslanan yeni mərhələdə Livan hakimiyyəti ilə tam əməkdaşlığa açıqdır.
