"Tesla" və "SpaceX-"in baş direktoru İlon Mask yenidən “dünyanın ən varlı adamı” adını qazanıb.
“Bloomberg”in məlumatına görə, Maskın sərvəti də bu il "Tesla" səhmlərində təxminən yüzdə 70 faizlə artıb.
"Tesla" səhmləri yanvarın 6-da gün içi minimumdan bəri təxminən 100 faiz artıb, çünki investorlar iqtisadi canlanma əlamətləri və faiz artımının yavaşlaması fonunda riskli səhmlərə üstünlük veriblər. Bəzi "Tesla" modellərinə edilən endirimlərdən tələbatın artması da şirkəti dəstəkləyib.
"Tesla" səhmləri Nyu-Yorkda 5,5 faiz artaraq 207,63 dollar olub.
"Bloomberg" Milyarderlər İndeksinə görə, Maskın sərvəti 187,1 milyard dollara çatıb və bununla da dünyanın ən böyük lüks brendlər qrupunun, LVMH-nin sahibi 73 yaşlı fransız Arnaultu taxtından endirərək dünyanın ən varlı adamı olub. Arnaultun sərvəti 185,3 milyard dollar olaraq qiymətləndirilir.
Qeyd edək ki, 51 yaşlı Mask 200 milyard dollar sərvətini itirən ilk şəxs kimi tarixə düşmüşdü.
Onun sərvəti 200 milyard dollar əriyib və ilin əvvəlində 137 milyard dollara qədər azalıb. Mask bu qədər sərvətini itirən ilk insan olub.
