Baş verənlər regional və beynəlxalq miqyasda konstruktiv rol oynamaq əzmimizə təsir etməyəcək.
Axar.az xəbər verir ki, bu barədə İran Xarici İşlər Nazirliyinin (XİN) mayın 19-da baş verən helikopter qəzası ilə bağlı yaydığı açıqlamada bildirilib.
Qeyd olunub ki, mərhum Prezident İbrahim Rəisi və xarici işlər naziri Hüseyn Əmir Abdullahian İranın xarici siyasəti və diplomatiyası tarixində əhəmiyyətli rol oynayıb.
Xatırladaq ki, İran Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Haşim, Şərqi Azərbaycan vilayətinin valisi Malik Rəhməti 19 mayda Şərqi Azərbaycan vilayətində baş verən helikopter qəzasında həlak olub.
