İsrail ABŞ Prezidenti Donald Trampın gələn il Nobel Sülh Mükafatına namizədliyini irəli sürəcək.
APA xəbər verir ki, bunu İsrail parlamentinin spikeri Amir Ohana parlamentdə Donald Trampın qarşılanması mərasimində deyib.
“Cənab Tramp, siz sülh mükafatının qalibi olmağa hamıdan çox layiqsiniz. Buna görə də buradan elan edirəm ki, biz dünyada parlament spikerlərini də bu prosesə cəlb etməyə çalışacağıq və sizin gələn il üçün Nobel Sülh Mükafatına namizədliyinizi irəli sürəcəyik”, - İsrail parlamentinin spikeri bəyan edib.
