İsraildə məhkəmə islahatının baş verəcəyi təqdirdə İsrail və ABŞ arasında münasibətlər heç bir dəyişikliyə məruz qalmayacaq.
Trend xəbər verir ki, bu barədə baza günü "NBC" telekanalına müsahibəsində İsrailin baş naziri Binyamin Netanyahu deyib.
"Xeyr, mən belə düşünmürəm", - deyə B.Netanyahu jurnalistin müvafiq sualına cavabında bildirib.
Onun sözlərinə görə, ABŞ Prezidenti Co Bayden İsrailin böyük dostudur.
"Dostlar arasında bəzən fikir ayrılıqları ola bilər, amma mən ona dedim ki, (məhkəmə islahatı ilə bağlı - red.) mümkün olan ən yüksək konsensusa nail olmaq üçün çalışıram", - deyə B.Netanyahu bildirib.
