İranın Kerman şəhərində törədilmiş terror aktı ilə əlaqədar 35 nəfər saxlanılıb.
APA “Reuters“ə istinadən xəbər verir ki, bu barədə İranın Kəşfiyyat Nazirliyi məlumat yayıb.
Bildirilib ki, nazirlik iki kamikadzedən birinin şəxsiyyətini müəyyən edib. Terrorçunun Tacikistan vətəndaşı olduğu və İrana dekabrın 19-da qanunsuz yollarla daxil olduğu bildirilib. İkinci kamikadze ilə bağlı əlavə məlumatın daha sonra açıqlanacağı qeyd edilib. Həbslərin İranın bir neçə vilayətində baş tutduğu qeyd olunub.
Xatırladaq ki, yanvarın 3-də Qasım Süleymaninin memorialında törədilmiş terror aktına görə məsuliyyəti İŞİD üzərinə götürüb. Terror hücumu nəticəsində 100-dən çox adam həlak olub, 284 nəfər yaralanıb. Bunun 1979-cu il İslam inqilabından sonra İrandakı ən ölümcül terror hadisəsi olduğu bildirilir.
