Bu gün Ukrayna ilə aparılan danışıqlar prosesi nəticəsində Kursk vilayətinin ümumilikdə 46 sakini Rusiyaya qaytarılıb.
“Qafqazinfo” xəbər verir ki, bu barədə Rusiyanın İnsan Hüquqları üzrə Müvəkkili Tatyana Moskalkova bildirib.
Moskalkova vurğulayıb ki, onlar avqustda silahlı hücumdan sonra Ukrayna tərəfindən Kursk vilayəti ərazisindən aparılıb. Rusiyaya qaytarılan vətəndaşlar arasında biri yeni doğulmuş, biri 3 yaşına qədər olan 12 uşaq və əlillər də var.
