"Rusiya Prezidenti Vladimir Putinlə ABŞ lideri Donald Tramp arasında Alyaskada keçirilən görüş faydalı olub".
Balupost.az NEWS.ru-ya istinadən xəbər verir ki, bu sözləri Rusiyanın xarici işlər naziri Sergey Lavrov deyib.
O, Ağ Evin sahibinin Ukrayna ilə bağlı uzunmüddətli nəticə əldə edilməsi istiqamətində səmimi cəhdlərinə diqqət çəkib.
"Aydın görünürdü ki, ABŞ rəhbəri və onun komandası, həmin məqamda hər küncdə yalnız atəşkəs və ondan sonra Ukraynaya silah tədarükünü davam etdirəcəklərini təkrarlayan avropalılardan fərqli olaraq, ilk növbədə, uzunmüddətli, davamlı, etibarlı nəticə əldə etmək istəyirlər", - deyə Lavrov bildirib.
Xatırladaq ki, avqustun 15-də Putin və Tramp Alyaskadakı Elmendorf-Riçardson hərbi bazasında görüşüblər. Söhbət formatların dəyişdirilməsi də daxil olmaqla, üç saatdan çox davam edib: danışıqların keçiriləcəyi əsas yerə gedərkən yolda ABŞ liderinin limuzinində tet-a-tet və dar "üçün-üçə" tərkibində. Görüşdə, həmçinin Rusiya tərəfdən prezidentin köməkçisi Yuri Uşakov və xarici işlər naziri Sergey Lavrov, ABŞ tərəfdən isə dövlət katibi Marko Rubio və Trampın xüsusi nümayəndəsi Stiven Uitkoff da iştirak ediblər.
Danışıqlardan sonra mətbuata açıqlama verən Putin Ukrayna münaqişəsinin nizamlanmasının sammitin əsas mövzusu olduğunu bildirib.
