Rusiya Federasiyasının insan hüquqları üzrə müvəkkili Tatyana Moskalkova BMT-nin insan hüquqları üzrə ali komissarı Volker Türk ilə Ukrayna Silahlı Qüvvələrinin Rusiyadakı mülki obyektlərə zərbələrini müzakirə etməyi planlaşdırır.
Sherg.az xəbər verir ki, bu barədə o, TASS-a müsahibəsində bildirib.
O qeyd edib ki, Türklə qarşıdakı söhbət zamanı Kiyevin beynəlxalq humanitar hüququ pozması ilə bağlı müraciətlərinə də toxunacaq.
“Bunlar mülki təyinatlı obyektlərin - məktəblərin, müəssisələrin və adətən hərbi əməliyyatlarla əlaqəsi olmayan sərhədyanı yaşayış məntəqələrində məqsədli atəşə tutulması məsələləridir”, - deyə ombudsman bildirib.
Moskalkovanın sözlərinə görə, BMT-nin insan hüquqları üzrə ali komissarının hesabatında onun təqdim etdiyi məlumatlar olduqca məhdud və yetərsiz şəkildə əks olunur.
Rusiya üzrə insan hüquqları müvəkkili əlavə edib ki, bu cür müraciətlərlə o, kütləvi və kobud insan hüquqları pozuntularına ictimai diqqəti cəlb etməyə çalışır. Ombudsman Türkü məlumatlandırmaq niyyətindədir ki, onun müraciətləri BMT sənədlərində tam şəkildə əks olunmur.
Daha əvvəl Moskalkova hərbçilərə qarşı işgəncələrlə bağlı BMT-ni məlumatlandırmağı planlaşdırdığını bildirmişdi.
