Moskva itkin düşən helikopterin axtarışında və insidentin səbəblərinin araşdırılmasında İrana lazımi yardımı göstərməyə hazırdır.
Sherg.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"İranın yüksək səviyyəli nümayəndələrinin, o cümlədən Prezident Rəisinin də taleyi ilə bağlı ortaya çıxan məlumatları diqqətlə izləyirik. Ümid edirik ki, onlar sağdır, həyat və sağlamlıqlarına təhlükə yoxdur", - o bildirib.
Qeyd edək ki, Prezident Rəisinin helikopteri bu gün qəzaya uğrayıb. Xilasedicilər hələ də qəza yerini tapa bilməyiblər. Axtarışlar davam edir.
