Rusiya ordusu Kursk vilayətində 10-a yaxın yaşayış məntəqəsini azad edib.
APA-nın Moskva müxbiri xəbər verir ki, bu barədə "Axmat" xüsusi təyinatlılarının komandiri Aptı Alaudinov TASS-a bildirib.
Onun sözlərinə görə, Ukrayna Silahlı Qüvvələrinin bölmələri Rusiya regionunda çox ağır itkilər verir və bu ərazini saxlamağın onlar üçün çətin olduğunu anlamağa başlayıblar.
Qeyd edək ki, sentyabrın 10-da Rusiya qoşunları Kursk vilayətində genişmiqyaslı əks-hücum əməliyyatına başlayıb. Bildirilib ki, Rusiya hərbçiləri artıq Ukrayna Silahlı Qüvvələrini Qordeevka kəndindən çıxarıb. Ümumilikdə 24 saat ərzində 10 km-dən çox ərazinin azad edildiyi qeyd olunub.
