Payızdan bəri rus qoşunları döyüş meydanında üstünlüyə malik olub. Bu da onlara Ukrayna müdafiəsini yarmaq üçün cəbhənin müxtəlif istiqamətlərində hücum manevrləri həyata keçirməyə imkan verib.
Axar.az xəbər verir ki, bu barədə "Nyu York Tayms" məlumat yayıb.
Nəşr xatırladıb ki, Rusiya bu yaxınlarda Xarkov vilayətində yeni cəbhə açıb, bir neçə yaşayış məntəqəsini ələ keçirib və Ukrayna Silahlı Qüvvələrini başqa mövqelərə çəkilməyə məcbur edib:
"Bundan sonra Rusiya ordusu vəziyyətdən maksimum yararlanmağa, yəni zəifləmiş Ukrayna müdafiəsini yarmağa çalışır. Peyk şəkilləri və cəbhədən döyüş görüntüləri göstərir ki, Rusiya bu il Ukraynanın keçən il yay əks-hücumunda geri aldığı ərazilərdən daha çox ərazi ələ keçirib".
