Macarıstanın baş naziri Viktor Orban Rusiya-Ukrayna müharibəsinin 1-ci ildönümü ilə əlaqədar Macarıstan mətbuatına açıqlama verib.
“Sherg.az”a xarici mətbuata istinadən bildirir ki, Orban tərəflər müxtəlif vaxtlarda fərqli məqsədlərdən danışdıqları üçün müharibənin məqsədini anlamağın çətin olduğunu deyib. Bir ildir, davam edən müharibədə qalibin olmayacağını vurğulayan Orban deyib ki, Ukraynanın arxasında bütün Qərb dünyası durduğu üçün Rusiya qalib gələ bilməz:
“Eyni zamanda Rusiya nüvə gücünə sahibdir, nüvə gücü də ola bilməz. Çünki bu, nüvə müharibəsinə səbəb ola bilər. Onlar atəşkəs və sülh danışıqlarına nail ola bilməyəcəklər”.
Birləşmiş Millətlər Təşkilatının Baş Assambleyasının (UNSC) Ukraynadakı müharibənin sona çatması ilə bağlı qərarını dəyərləndirən Orban söyləyib ki, dünyanın müharibəyə baxışını əks etdirən bir sülh sənədi var.
Həmçinin Macarıstanın baş naziri İsveç və Finlandiyanın NATO-ya üzvlük prosesindən danışıb. İsveç və Finlandiyaya çağırış edən Orban bildirib ki, İsveç və Finlandiya Budapeştin ədalətli olmasını və üzvlüklərini təsdiq etməsini istəyirlərsə, ədalətli olmalı və Macarıstan haqqında yalan məlumat yaymağa son qoymalıdırlar.
İsveçin terror təşkilatı üzvlərini qoruyaraq Türkiyəyə qarşı çıxdığını xatırladan Orban əlavə edib ki, Türkiyə ideyalarına əhəmiyyət verdiyimiz bir müttəfiqdir:
Digər tərəfdən, Macarıstan Parlamentinin gələn ay üçün açıqladığı təqvimdə İsveç və Finlandiyanın NATO üzvlüyü üçün 6-9 mart tarixlərində səsvermənin keçiriləcəyi bildirilib. Üzvlük təkliflərinin müzakirəsinin gələn həftə keçirilməsi nəzərdə tutulsa da, macar deputatlar iki ölkənin NATO-ya üzvlüyü ilə bağlı ayrı-ayrılıqda səs verəcəklər.
