ABŞ Prezidenti Donald Tramp siyasətdə heç kimə etibar etmədiyini bildirib.
Teleqraf xəbər verir ki, bu barədə o, “Newsmax” müsahibəsində danışıb.
Telekanalın İsrail Baş naziri Benyamin Netanyahuya etibar edib-etmədiyi barədə sualına Tramp belə cavab verib: “Düzünü desəm, heç kimə etibar etmirəm. Siyasət dünyasında heç kimə güvənmirəm”.
Sual Trampdan son vaxtlar dəfələrlə oktyabrın 27-də İsraildə keçirilməsi planlaşdırılan seçkilər ərəfəsində hansısa namizədi dəstəkləyib-dəstəkləməyəcəyinin soruşulmasından sonra verilib. ABŞ Prezidenti bu məsələyə konkret cavab verməkdən imtina edib.
İsrail Baş naziri isə uzun müddətdir seçki kampaniyaları zamanı Donald Trampla sıx münasibətlərini xüsusi vurğulayır.
