Türkiyə rəsmilərindən mütəmadi olaraq Azərbaycan barədə məsləhət alıram.
APA xəbər verir ki, bu barədə ABŞ Prezidentinin xüsusi nümayəndəsi Stiv Uitkoff bildirib.
O qeyd edib ki, ABŞ-ın Türkiyədəki səfiri Tom Barrak vasitəsilə Azərbaycan, Ermənistan və Ukrayna mövzuları ətrafında Türkiyənin xarici işlər naziri Hakan Fidan və Milli Kəşfiyyat Təşkilatının rəhbəri İbrahim Kalının fikirlərini öyrənir.
“Məsələn, mən Toma zəng vurub soruşuram ki, İbrahimin bu mövzu haqqında fikri nədir? Bunun kimi çoxlu misal çəkə bilərəm. Bu cür təmaslar saxlamaq mənə Tramp administrasiyası tərəfindən tövsiyə olunur”, - Uitkoff bildirib.
