Böyük Yeddiliyə (G7) üzv ölkələr Moskvanın Ukraynaya qarşı müharibəyə başlamasına görə cəzalandırma tədbirlərini gücləndirmək barədə razılığa gəldikdən sonra Yaponiya Rusiyaya qarşı əlavə sanksiyalar tətbiq edəcək.
Xirosimada keçirilən G7 sammiti zamanı dövlət başçıları Ukraynaya əlavə hərbi yardım və Rusiyaya qarşı sanksiyalarla dəstək vermək əzmində olduqlarını nümayiş etdiriblər.
Yaponiya Nazirlər Kabinetinin baş katibi Hirokazu Matsuno bildirib ki, müharibə zamanı atom bombalarına məruz qalan yeganə ölkə olaraq Yaponiya Rusiyadan gələn nüvə təhlükəsini heç vaxt tanımayacaq, ondan istifadə etməyəcək.
O, Rusiya Federasiyasının Belarusda taktiki nüvə silahlarının yerləşdirilməsi ilə bağlı hərəkətlərini pisləyib.
Ölkənin xarici işlər nazirliyinin bəyanatına görə, Yaponiya G7 ilə koordinasiyalı şəkildə rus zabitləri də daxil olmaqla 78 qrup və 17 şəxsin aktivlərini donduracaq və hərbi tədqiqat laboratoriyaları ilə əlaqəli 80 Rusiya təşkilatına ixracı qadağan edəcək. Yaponiya Rusiyaya tikinti və mühəndislik xidmətləri göstərilməsini də qadağan edəcək.
Mənbə: Reuters
