44 günlük müharibədə hava hücumundan müdafiə sistemlərini itirən Ermənistan indi yeni qurğular almağa başlayıb. Hindistanın Ermənistana göndərdiyi “AKAŞ” raketlərinin fayda verəcəyindən ehtiyat edən ermənilər indi də Rusiya istehsalı olan S-300 zenit-raket kompleksləri almağı planlaşdırır. Məsələ burasındadır ki, S-300-ləri Ermənistana Rusiya deyil Yunanıstan verəcək. Məlumatda digər müdafiə sistemləri barədə də qeydlər var. Ekspertlər güman edir ki, adı çəkilməyən həmin sistemlər elə Yunanıstanda istehsal olunan silahlardır.
Siyasi şərhçi Kənan Novruzov “Sherg.az”a söyləyib ki, Yunanıstan bundan əvvəl də Ermənistanı silahlandırıb:
“Bununla bağlı zaman-zaman məlumatlar yayılıb. Yunanıstanın Emrənistanı silahlandırması müəyyən rəsmilərə və ekspertlərə bəllidir. Yunanıstanın Ermənistanı və yaxud Ukraynanı silahlandırmasının heç bir fərqi yoxdur. Yəni Yunanıstan tərəfindən hər iki ölkənin silahlandırılması Rusiyaya qarşıdır. Bunu Yunanıstanın Ermənistanı müharibəyə hazırlaşdırması kimi dəyərləndirmək düzgün olmaz”.
