Yunanıstanın paytaxtı Afinada təqaüdçülər maaşlarının artırılması tələbi ilə etiraz aksiyası keçiriblər.
Əmək və Sosial İşlər Nazirliyinin önündə bir araya gələn təqaüdçülər Nazirlər Kabinetinə doğru gediblər.
Onlar son illərdə xüsusilə enerji qiymətlərindəki artımlara etiraz ediblər. Maaşlarının artırılması tələbindən əlavə, Yunanıstanda 2009-cu ildə başlayan iqtisadi böhrandan əvvəl tətbiq edilən iki illik maaş mükafatlarının geri qaytarılmasını da tələb ediblər.
Fevralın 28-nə keçən gecə Larisa şəhəri yaxınlığında 57 nəfərin ölümü ilə nəticələnən qatar qəzasından sonra Afinada avtobus və trolleybus işçiləri təhlükəsizlik tələbi ilə bu gün müəyyən saatlarda işi dayandırmaq qərarına gəliblər.
Avtobus və trolleybuslar növbə başlayandan səhər saat 09:00-a kimi hərəkət etməyib. Saat 21:00-dan etibarən bütün uçuşların dayandırılacağı bildirilib.
