Ermənistanda fəaliyyətdə olan "Aqarat" mis-mədən kombinatının ixrac etdiyi tullantılar bilavasitə Araz çayına tökülür.
APA-nın xəbərinə görə, bu sözləri "Environmental Protection First" (EPF) Koalisiyasının üzvü, "Azərbaycan Kartoqrafları" İctimai Birliyinin rəhbəri Müqabil Bayramov bugünkü brifinq zamanı diqqətə çatdırıb.
Müqabil Bayramov bu amilin Araz çayı hövzəsinə dağıdıcı təsirindən də danışıb:
"Bu təsirlərlə bağlı 13 dövləti təmsil edən 30-a yaxın qeyri-hökumət təşkilatı "Environmental Protection First" koalisiyasına qoşulduğunu elan edib. Həmin qurumlar bu ölkənin bilavasitə hakimiyyətinə və müvafiq konvensiyaya rəsmi müraciətlər göndəriblər. Onu da qeyd etmək lazımdır ki, göndərilən məktubların heç birinə cavab verilməyib".
