May ayında gözlənilməz qar yağışı üç rayonda təsirini göstərib.
Türkiyənin Ardahan, Artvin və Erzurum bölgələrində qar yağışı nəqliyyatda çətinliklərə səbəb olub.
Sherg.az xəbər verir ki, Erzurumda səhər saatlarında başlayan qar yağışı ilə birlikdə Palandöken dağı ağ örpəyə bürünüb.
Xizək mərkəzindəki otellərə getmək istəyənlər yollarda qalıb.
Qar yağışı zaman-zaman şəhər mərkəzində də özünü göstərib.
Artvinin yüksək dağlıq əraziləri may ayında qar sürprizi ilə üzləşib.
Ardanuç rayonuna bağlı, 1700 metr yüksəklikdə yerləşən Geçitli kəndi may ayında yağan qarla ağappaq örtülüb.
Təxminən 90 evin yerləşdiyi kənddə səhər saatlarında təsirli olan qar yağışı sakinləri təəccübləndirib.
Ardahanda isə günlərlə fasilələrlə davam edən leysan yağışlar dağlıq ərazilərdə yerini qar yağışına verib.
Qarın təsirli olduğu Posof rayonunda, 2550 metr yüksəklikdə yerləşən Ilqar dağı keçidində nəqliyyatda axsamalar yaşanıb.
