Kreml ABŞ Dövlət katibi Marko Rubionun Ukrayna münaqişəsinin Moskva ilə Vaşinqton arasında proksi müharibəsi olması sözlərilə razılaşır.
Axar.az xəbər verir ki, bu barədə Rusiya liderinin mətbuat katibi Dmitri Peskov deyib.
“Biz bununla razılaşa bilərik və razıyıq. Bu doğrudur. Bu barədə dəfələrlə danışmışıq. Və biz demişdik ki, bu, əslində Rusiya ilə kollektiv Qərb arasında münaqişədir. Kollektiv Qərbin əsas ölkəsi isə ABŞ-dır. Ona görə də bu, prezidentimizin və xarici işlər nazirinin dəfələrlə ifadə etdiyi mövqeyə tamamilə uyğundur. Bəli, razılaşırıq ki, bu münaqişəni və bu müharibəni dayandırmağın vaxtıdır”, - o bildirib.
