ABŞ Prezidenti Donald Tramp S-400-lərin Türkiyəyə gətirilməsi ilə bağlı şərh verib.
Sherg.az xarici media istinadən xəbər verir ki, Tramp "Türkiyəyə sanksiya tətbiq ediləcəkmi?" sualına, "Xeyr. Hazıra bu məsələyə baxmırıq" deyə cavab verib.
Türkiyənin S-400-ləri alması ilə bağlı Ağ Evdən dünən verilən şərhdə, S-400-lərə görə Türkiyənin artıq "F-35" proyektinin parçası ola bilməyəcəyi ifadə edilib: "ABŞ Türkiyə ilə strateji əlaqəsinə hələ də böyük dəyər verir. NATO müttəfiqləri olaraq əlaqələrimiz çox şaxəlidir və yalnız "F-35"lərə bağlı deyil".
