Fransanın « Le Monde » qəzeti oktyabrın 11-də Ermənistanın Gəncədə törətdiyi terror aktından yazıb.
«Sherg.az» «Le monde.fr ə istinadən xəbər verir ki, «Haut-Karabakh : Bombardments en Azerbaidjan» (Dağlıq Qarabağ : Azərbaycan bombardman edildi)başlıqlı məqalə dərc olunub. Məqalədə qeyd olunur ki, Azərbaycan hakimiyyəti Ermənistanın Gəncədə mülki əhali yaşayan binaları hədəf almasını bəyan edib.
![](https://sherg.az/uploads/editor/726451586ca6a40f5d383b1a3fe32d2a.jpg)
Qeyd olunub ki, işğalçı Ermənistanın raket atəşləri nəticəsində həmin binalarda böyük dağıntılar baş verib. Dağıntı altında qalan 7 mülki vətəndaş həlak olub, 33 nəfər ağır yaralanıb. Axtarışlar davam edir. Azərbaycan tərəfi bəyan edir ki, bu soyqırımı aktı oktabrın 10-u saat 12-də qüvvəyə minən humanitar atəşkəsin kobudcasına pozulmasıdır.
![](https://sherg.az/uploads/editor/eb345d28a008fed6e2d54829a1d11cf1.jpg)
Bundan başqa, qəzet yazır ki, Azərbaycan Xarici İşlər Nazirlinin «Twitter » hesabında qeyd olunub ki, Ermənistan Azərbaycanın ikinci böyük şəhəri olan Gəncədə, yaşayış binalarını hədəf alıb. Raket atəşləri böyük dağıntılara səbəb olub. 7 ölən və 33 xəsarət alan var. Eyni zamanda faktın təsdiqi üçün fotolar da paylaşılıb.
![](https://sherg.az/uploads/editor/3dc3e51ae1959ad8e347aa6ffc126c53.jpg)
Qeyd edək ki, yazıda ölən və yaralananları dağıntılar altında çıxarmaq üçün cəlb olunan xilasedicilərin də fotosu yerləşdirilib.
![](https://sherg.az/uploads/editor/454b152e55c80ce0b48c9bcdbd4a2d60.jpg)
Məlumat üçün bildirək ki, Ermənistan silahlı qüvvələrinin 11.10.2020-ci il tarixdə gecə saat 02.00 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çox mənzilli yaşayış binalarını raket atəşinə tutması nəticəsində 4-ü qadın olmaqla 9 nəfər həlak olub.
![](https://sherg.az/uploads/editor/b89d11b0ae7a140a66119305bbb7403d.jpg)
Bu barədə Baş Prokurorluq məlumat yayıb.
![](https://sherg.az/uploads/editor/1a3c91cef138a8f8dae4cb7f25e13499.jpg)