"Bu gün qazanılan bütün uğurların memarı Ulu Öndərimiz Heydər Əliyevdir".
Bu sözləri "Sherg.az"a Sərhədçi İdman Olimpiya Mərkəzinin rəis müavini, idman bölməsinin rəisi, polkovnik -leytenant, Azərbaycan Güləş Federasiyasının vitse-prezidenti Firdovsi Umudov Ümummilli Liderimiz Heydər Əliyevin anadan olmasının 98-ci il dönümü münasibətilə danışarkən deyib.
F.Umudov qeyd edib ki, Azərbaycan hazırda bütün sahələrdə yüksəliş dövrünü yaşayır:
![](https://sherg.az/uploads/editor/b5e38bf838d8f9b8121640699291f210.jpg)
"Bütün bunlar Ümummilli Liderimizin 1993-cü ildə xalqın təkidli tələbi ilə hakimiyyətə gəlişindən sonra baş verdi. Həmin il yeniyetməlik yaşlarımda idim və güləş üzrə Milli Komandada çıxış edirdim. O zamanlar ölkəmizdə çox acınacaqlı bir durum vardı. Xaos və anarxiya idmandan da yan keçməmişdi. Milli yığma komandamız dünya birinciliyində iştirak edə bilmədi. Məhz Ulu Öndər 1993-cü ildə hakimiyyətə gələndən sonra bütün sahələrdə olduğu kimi idmana da diqqət və qayğı göstərdi. Nəticəsi isə çox az bir müddətdə öz bəhrəsini verdi. Ulu Öndərimizin idmançılarla görüşləri və səmimi söhbətlərinin şahidi olmuşam. Ümummilli Liderimiz 1995-ci ildə bizi ilk dəfə Prezident Aparatında qəbul etdi. Mənim onda 18 yaşım var idi. Avropa Çempionatında mükafatçı olmuşdum. Ulu Öndərimizlə görüşmək, onun tövsiyələrini dinləmək mənim üçün böyük xoşbəxtlik idi. Bu gün də özümü çox xoşbəxt hiss edirəm ki, onunla görüşmüşəm, tövsiyələrini dinləmişəm. Ulu öndər bizi hər zaman sizi qalib görmək istəyirdi. Ümumilli Liderin bizə əsas tövsiyələri bu idi ki, Vətəni, torpağı, bayrağı sevmək lazımdır. Ulu Öndərimizin bütün kəlmələri yaddaşımıza həkk olunub. Ulu öndər deyirdi: "İdman insanları həm mənəvi, həm də fiziki cəhətdən yüksəldən vasitədir"
Firdovsi Umudovun sözlərinə görə, Ümummilli Liderimizin uzaqgörənliyi, Azərbaycan gəncliyi və xalqının sağlam ruhda formalaşması üçün atdığı addımlar bu gün də öz bəhrəsini verir:
"Məsələn, idmançılarımız beynəlxalq arenada qazandıqları uğurlarla millətimizi sevindirir. Ümummili Lider Azərbaycanımızı bütöv görmək istəyirdi. Bu gün onun varisi, uzaqgörən siyasətinin layiqli davamçısı olan müzəffər Ali Baş Komandanımız, Prezident İlham Əliyevin
mütərəqqi və praqmatik qərarları göz qabağındadır. Ulu Öndərimiz deyirdi: "Mənim axıra çatdıra bilmədiyim taleyüklü məsələləri, özüm qədər inandığım İlham Əliyev sona çatdıracaq". Həqiqətən də müzəffər Ali Baş Komandanımız Ulu Öndərin bütün vəsiyyətini yerinə yetirdi, torpaqlarımız işğaldan azad olundu. Artıq Qarabağımız, Şuşamız və işğal edilmiş digər torpaqlarımız azaddır. Bu gün Ulu Öndərimizin ruhu şaddır. Nə qədər ki, müstəqil Azərbaycan dövləti var, Azərbaycan xalqı var, Ulu Öndərimiz Heydər Əliyev ürəklərdə yaşayacaq".
mütərəqqi və praqmatik qərarları göz qabağındadır. Ulu Öndərimiz deyirdi: "Mənim axıra çatdıra bilmədiyim taleyüklü məsələləri, özüm qədər inandığım İlham Əliyev sona çatdıracaq". Həqiqətən də müzəffər Ali Baş Komandanımız Ulu Öndərin bütün vəsiyyətini yerinə yetirdi, torpaqlarımız işğaldan azad olundu. Artıq Qarabağımız, Şuşamız və işğal edilmiş digər torpaqlarımız azaddır. Bu gün Ulu Öndərimizin ruhu şaddır. Nə qədər ki, müstəqil Azərbaycan dövləti var, Azərbaycan xalqı var, Ulu Öndərimiz Heydər Əliyev ürəklərdə yaşayacaq".