“Azərbaycan xalqı otuz il davam edən mənasız danışıqlar əvəzinə öz gücünü ortaya qoydu. Ədaləti bərpa etdi, beynəlxalq hüququ bərpa etdi və bütün dünyaya sübut etdi ki, biz böyük xalqıq və heç vaxt bu xalq işğalla barışmaq fikrində deyil”.
“Report” xəbər verir ki, bu fikirləri Prezident İlham Əliyev Dünya Azərbaycanlılarının V Qurultayında çıxışı zamanı bildirib.
“İlk qurultaydan sonra dəfələrlə deyirdim ki, biz heç vaxt işğalla barışmayacağıq, öz dədə-baba torpaqlarımızı azad edəcəyik. İstəyirdim ki, bu məsələ sülh yolu ilə həll olunsun, müharibə yox. Hesab edirdim ki, məsələnin sülh yolu ilə həlli mümkündür. Beynəlxalq hüquq və norma prinsipləri ölkəmizin mövqeyini müdafiə edirdi, aparıcı beynəxalq təşkilatları Azərbaycanın mövqeyini dəstəkləyən qərar və qətnamələr qəbul etmişdi. Ermənistanın işğalçılıq siyasəti dünya miqyasında heç kimə sirr deyildi", - dövlət başçısı əlavə edib.