Sığınacaqdan Almaniyaya aparıldı
Almaniyada yaşayan türkiyəli Suna Kaya tətilə gəldiyi Ədirnədə heyvan sığınacağından 2 küçüyə sahiblənib. “Sherg.az” “NTV.com.tr”yə istinadən xəbər verir ki, Suna Kaya küçüklərlə bağlı rəsmi sənəd – pasport hazırladıb. Və bu pasportlara əsasən də it balalarını Almaniyaya aparmaq icazəsi alıb. Suna Kaya küçüklərə ad da qoyub. Birinə Çiko, digərinə Çilek (Çiyələk) Suna Kaya açıqlamasında “onların da bir evi, yuvası olacaq artıq”, söyləyib. Suna Kaya Almaniyanın Bielefeld şəhərində qocalar evində baxıcı işləyir. Heyvansevər olan S.Kayanın evində bəslədiyi 2 itdən biri ötən aylarda vəfat edib. İtin ölümündən böyük hüzün keçirən, kədərlənən S.Kaya istirahət etmək üçün Vətəni Türkiyəyə, doğma yurdu Ədirnəyə gəlib. Burada şəhər bələdiyyəsinin Küçə Heyvanlarının Müvəqqəti Sığınacağını ziyarət edib. Onun diqqətini sığınacaqdakı 2 küçük cəlb edib. Onlardan birinə sahiblənmək istədiyini bildirib və sənədlərin hazırlanmasını istəyib. Lakin küçüklərin bir dişi itin balaları olduğunu, birinin dişi, digərinin erkək olduğunu öyrəndikdə onları bir-birindən ayırmamaq qərarına gəlib və hər ikisinə də sahiblənəcəyini deyib. S.Kaya açıqlamasında “evdə bir itim var. Sığınacağa gələndə hər hansı itə sahiblənməyi düşünməmişdim. Bu, tamamilə təsadüfən oldu. Bu küçükləri gördükdə, onlara sahiblənmək, onlar üçün bir ev, yuva qurmaq istəyi könlümdən keçdi. Odur ki, küçükləri Almaniyaya aparmaq qərarına gəldim. İmkanım olsa, daha çox heyvana baxaram, qulluq edərəm. Hələliksə, bu ikisini özümlə aparacam. Bir yerdə, bir evdə yaşayacağıq, onlar üçün əlimdən gələnin ən yaxşısını edəcəm”, söyləyib. S.Kaya heyvanların pulla alınmasına qarşı olduğunu deyib: “Heç bir heyvan, əşya, oyuncaq deyil. Kimlərsə hədiyyə olaraq it, pişik alır. Buna qarşıyam. Heyvanları sevərək sahiblənmək lazımdır. Onlar da bizim kimi canlıdırlar və hər şeyi duyur, anlayırlar”. S.Kaya özüylə Almaniyaya apardığı küçüklərin fotosunu da paylaşıb.
