Yazıçı Kəramət Böyükçöl Elmlər Akademiyasının yaxınlığında açdığı "Kerrazon" kitab mağazasını bağlayır. "Sherg.az" xəbər verir ki, bu barədə yazıçı feysbuk hesabında məlumat verib. Kəramət Böyükçöl qeyd edib ki, bu ilin fevral ayında Texniki Universitetin qarşısında icarəyə kitab mağazası götürüb. Amma indi anlayıb ki, hər şey onun təsəvvür etdiyi qədər də asan deyilmiş: "Əvvəl kitablarımı küçələrdə satırdım, pulu özümə qalırdı, indi isə kitablarımı satıb mağazanın icarəsinə və əlavə xərclərə verirəm. Ona görə də qərara gəldim ki, daha mağazanın fəaliyyət göstərməsinin bir mənası yoxdu. Bir neçə günə mağazanı bağlayıram. Amma kitab satmağa yenə davam edəcəyəm. Planım bundan ibarətdi ki, təxminən 100 nəfərdən ibarət yaxın dost çevrəmin hərəsi mənə 300 manat kömək edəcək, pul yığıb özümə bir qazel alacağam. Yeriyən kitab mağazam olacaq, hər həftə bir metro yanında, şəhərin, ölkənin müxtəlif yerlərində, rayonlarda, kəndlərdə kitab satacağam. Alınır alınsın, alınmır da heç alınmasın. Elmlər Akademiyasının qarşısındakı park yerindədi " - deyə yazıçı qeyd edib.
Kəramət Böyükçöl mağazasını niyə bağlayır ? - "Qazel" alacaq
