
Nikolun fikirləri Qarabağı Azərbaycan ərazisi kimi tanımasının göstəricisidir -Analitik
Yusif Nəzərli
07:48 02.01.2025
Siyasət
639
“Real Ermənistan” bizim sülh gündəliyinin konseptual, ideoloji əsası və əsaslandırmasıdır. “Real Ermənistan” ideologiyası olmadan sülh gündəliyinin həyata keçirilməsi mümkün deyil.
Bu fikirləri Ermənistanın Baş naziri Nikol Paşinyan vətəndaşlara Yeni il müraciəti zamanı səsləndirib.
Paşinyan sözügedən ideologiyanı ölkə siyasətinin əsası kimi qələmə verib.
Bunu ölkənin və dünya gündəminin əsası üçün “dönüş nöqtəsi” adlandıran baş nazir ideologiya çərçivəsində Ermənistanın hərəkət və sözlərinə diqqət yetirilməsinin vacib olduğunu deyib.
Qeyd edək ki, Nikol Paşinyan bundan əvvəl Feysbukdakı səhifəsində bildirmişdi ki, danışıqların yalnız bir nəticəsi ola bilərdi - Qarabağın faktiki olaraq Azərbaycana qaytarılması:
"Beləliklə, 1994-cü ildən, yəni atəşkəs başlayandan sonra Qarabağın Azərbaycana qaytarılması ətrafında danışıqlar prosesi gedirdi. Yəni danışıqların yalnız bir nəticəsi ola bilərdi: Qarabağın faktiki olaraq Azərbaycana qaytarılması.
Biz bunu etmədik və yuxarıda göstərilən danışıqlar prosesini əvvəlcədən müəyyənləşdirən beynəlxalq ictimaiyyət müharibəyə belə ciddi müqavimət göstərmədi. Reallıq budur, əziz xalqım".
Cross Media Təhlil Mərkəzinin analitiki, siyasi şərhçi Mübariz Göyüşlü "Sherg.az"a bildirib ki, Paşinyanın bu fikirləri Ermənistan cəmiyyətini, xüsusən radikal qrupları (daşnaksütun, kilsə, xaricdəki erməni diasporu) ayıltmaq məqsədi daşıyır:

"Ermənistan Baş nazirinin zaman-zaman bu cür fikirləri ilə qarşılaşırıq. Bu o deməkdir ki, Paşinyan özü də həqiqətləri qəbul, bir sıra məqamları isə etiraf etməkdədir. Bundan başqa Nikolun fikirləri növbəti dəfə Qarabağın Azərbaycanın ərazisi kimi tanınmasının göstəricisidir. Bunu müsbət qiymətləndirirəm. Digər tərəfdən bundan sonra real addımlar atılmalıdır. Yalnız bəyanatlar verməklə kifayətlənmək olmaz. Ermənistan çalışmalıdır ki, sülh gündəliyini irəli aparmaq üçün cəhdlər göstərilsin. Bunun üçün də Azərbaycanın irəli sürdüyü şərt və təkliflər icra edilməlidir. Əgər Ermənistan Prezident İlham Əliyevin tələbləri ilə razılaşıb hərəkət edərsə, bu məsələlərin sözdə deyil, əməldə gerçəkləşməsinin şahidi olarıq. Məhz vacib olan da elə budur. Ümumilikdə isə Nikolun fikirləri müsbətdir, davamını isə atdığı addımlarda görmək istəyirik".
Oxşar xəbərlər
Xəbər lenti
Hamısına bax
İranın Qeşm adasında partlayışlar baş verib
19:24 17.11.2026
Dünya
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual
Bakcell gənclər üçün növbəti süni intellekt hakatonunu keçirib
17:17 17.11.2026
Ölkə
Ehtiyac meyarı ilə bağlı qanun layihəsi ilk oxunuşdan keçdi
17:09 17.11.2026
Sosial
Nazim İbrahimovun yeni fotosu heyrətləndirdi - FOTO
16:58 17.11.2026
Cəmiyyət
Əmək haqqı ödənişləri elektronlaşdırılacaq
16:55 17.11.2026
Sosial