Dünyanın ən peşəkar və effektiv kəşfiyyat orqanlarından biri hesab edilən MOSSAD Ukrayna Təhlükəsizlik Xidmətinin Rusiya strateji bombardmançılarının məhv edilməsi üzrə xüsusi əməliyyatına reaksiya verib.
Axar.az xəbər verir ki, qurumun qeyri-rəsmi X hesabında Ukrayna Təhlükəsizlik Xidmətinin “Hörümçək toru” əməliyyatı ilə bağlı qısa şərh dərc edilib.
“Ukraynanın Rusiyaya qarşı əməliyyatı PUA erasında həyəcan siqnalıdır. Kimsə Ukraynanın əlində kartların olmadığını söyləmişdi. Ukrayna da bunun səhv olduğunu sübut etdi”, - bildirilib.
Qeyd edək ki, dünən Ukrayna Təhlükəsizlik Xidmətinin Rusiyanın 4 hərbi hava bazasına keçirdiyi PUA hücumu nəticəsində 41 təyyarə məhv edilib.
