“Xalqımızı və tamaşaçıları gedən geosiyasi proses və təhlükəsizlik kodları haqda marifləndirmək üçün belə efirlər davam etməlidir”
Son günlərdə Azərbaycan Televiziyasının (AzTV) İran Rusiya və Azərbaycana qarşı çıxan digər ölkələrin əlehinə olduqca səviyyəli verlişlər hazırlanır. Bu addım cəmiyyətdə, eləcə də sosial platformalarda müsbət qiymətləndirilir.
Məsələyə münasibət bildirən tanınmış telejurnalist, professor Qulu Məhərrəmli “Sherg.az’a bildirib ki, əvvəllər Azərbaycan Televiziyası ya bunları edə bilmirdi, ya da etməyə icazə vermirdilər:
“Burada təəcüblü heç bir şey yoxdur. Biz hazırda geosiyasi savaşın mərkəzindəyik. Bu barədə isə dövlətin əsas televiziyasının danışmaması ayıb olar. Ona gürə də bu normal haldır. Çünki ölkə ictimaiəti bilməlidir ki, bizim çevrəmizdə hansı proseslər gedir. Yəni İranın bizə münasibəti necədir? Niyə o İslam pərdəsi altında Azərbaycanda öz təbliğatını aparır, amma böhran vəziyyətində düşmənlərimizin yanında dayanır?
Rusiya və digər ölkələrin məqsədləri nədir? Xalqımızı və tamaşaçıları gedən geosiyasi proses və təhlükəsizlik kodları haqda marifləndirmək üçün, Azərbaycan Televiziyasının belə verlişlər hazırlamasını təqdir edirəm. Bütün bunlar davam etməlidir.
Əlbəttə, burada dəqiq, obyektiv, dürüst ölçüləri gözləməli və təbliğatdan kənarda durmaq lazımdır. İnsanlara isə hazır mesajlar yox, hadisələrin təhlilini vermək lazımdır ki, nə baş verdiyini dəqiq anlasınlar”.
