Son aylarda münasibətləri çətinləşdirən bir sıra ictimai fikir ayrılıqlarına baxmayaraq, ABŞ prezidenti Donald Trampla sıx əlaqələr qurmaq səylərimdən peşman deyiləm.
Teleqraf xəbər verir ki, bu barədə İtaliyanın Baş naziri Corciya Meloni bildirib.
Meloni əvvəllər Trampın ən yaxın Avropa müttəfiqlərindən biri hesab olunurdu. Lakin o, son zamanlar media müsahibələrində və sosial media paylaşımlarında ABŞ liderinin tənqid hədəfinə çevrilib.
İtaliyanın Baş naziri ABŞ Prezidenti ilə münasibətlərini Qərb birliyini qorumaq istəyi əsasında qurduğunu vurğulayıb:
"Mən bu siyasi sərmayəni Qərb birliyinə inandığım üçün etdim. Bu, Trampın gəlişindən sonra qəbul etdiyim strategiya deyil, bütün həmkarlarımla birlikdə sərgilədiyim yanaşmadır", - deyə o bildirib.
