Onlayn qəzet

Digər kateqoriyalar

Dəridən-qabqıdan çıxan donor təşkilatlar - Ayrı-seçkiliyə son!

09:50 01.10.2023 Gündəm 379
Hər zaman olduğu kimi Qərb ölkələri, beynəlxalq strukturlar yenə ikili standartlardan çıxış edir, qeyri-obyektiv mövqe sərgiləyirlər. Hətta Qərb strukturları humanitar yardımların göstərilmısində belə ayrı-seçkiliyə yol verirlər. Hazırda öz seçimləri ilə könüllü surətdə, heç bir əsas və problem olmadan, hansısa təzyiqlə üzləşmədən Qarabağı tərk edən erməni sakinlər üçün canfəşanlıq edən, dünyaya hay-küy salan beynəlxalq qurumlar 1990-cı illərdən etibarən Ermənistanın işğal və təcavüzü nəticəsində doğma yurdlarından didərgin düşmüş milyona yaxın azərbaycanlı qaçqın üçün barmaqlarını belə oynatmayıblar. Milyona yaxın mülki şəxsin öz yurdlarından dəhşətli şəkildə qovulmasına, işgəncələrə məruz qalmasına səssiz qalıblar. 1990-cı illərin əvvəllərində milyondan artıq azərbaycanlıya xarici donor təşkilatları hansı yardımı göstəriblər? Bu gün də ölkəmizdə yüz minlərlə hələ də öz evinə, torpağına qayıda bilməyən insan var. Amma onlar Qərbin yadına düşmür, heç bir humanitar yardım göstərilmir. Amma Qarabağdan çıxan ermənilərə yardım üçün Qərb təsisatlatları sıraya düzülüblər. Əlbəttə, kimsə buna etiraz etmir. Azərbaycan dövləti daxili imkanları hesabına öz vətəndaşlarına hər cür yardımı göstərmək iqtidarındadır. Amma söhbət ikili yanaşmadan, humanist siyasətdə belə açıq-aşkar müşahidə olunan məkirli və qərəzli baxışdan gedir. Azərbaycanlı qaçqınların yada düşməməsi ayrıseçkilik, ikili standartların bariz nümunəsidir. Dövlətimizin öz hesabına yardımları demişkən, qeyd edək ki, Azərbaycan dövləti 1993-2019-cu illərdə qaçqın və məcburi köçkünlərin sosial təminatı və digər məsələlərə 10 milyard manat həcmində vəsait xərcləyib. Bu vəsaitin 4 milyardı dövlət büdcəsindən, 2.5 milyardı dövlət neft fondundan, 1.4 milyardı beynəlxalq maliyyə qurumlarından,  qalanı isə digər mənbələrdən götürülüb 2020-2023-cü illərdə belə vahid aylıq müavinət daxil olmaqla hər il üçün 380 milyon manat, mənzil-məişət şəraitinin yaxşılaşdırılması üçün 600 milyon manat, təhsil və s. xərclər dövlət tərəfindən ödənilir. Bəli, bunların hamısı məhz dövlətimiz tərəfindən həyata keçirilir. Qərbi təmsil edən yardım qurumlarının heç bir dəstəyi olmadan.. Bu gün ermənilərə yardım barədə danışan, dəridən-qabıqdan çıxan donor təşkilatlar isə hər zaman olduğu kimi azərbaycanlılarla bağlı susurlar. Dünya artıq bu ayrı-seçkiliyə son qoymalı, xristian klubu kimi davranmamalı, bir az da olsa ədalətli və obyektiv münasibət sərgiləməyi nəhayət öyrənməlidir.

Oxşar xəbərlər

“Azərsun Holdinq”in rəhbər heyəti Ulu Öndərin məzarını ziyarət edib - FOTOLAR
“Azərsun Holdinq”in rəhbər heyəti Ulu Öndərin məzarını ziyarət edib - FOTOLAR
15:30 10.05.2026
Qətər sahillərində yük gəmisi PUA hücumuna məruz qalıb
Qətər sahillərində yük gəmisi PUA hücumuna məruz qalıb
15:12 10.05.2026
Putin Zelenskiyə elə bir mesaj verdi ki… - YA DAVAM, YA TAMAM - ANALİZ
Putin Zelenskiyə elə bir mesaj verdi ki… - YA DAVAM, YA TAMAM - ANALİZ
08:24 10.05.2026
Əgər hücum olarsa, cavab zərbəsi endiriləcək - SEPAH
Əgər hücum olarsa, cavab zərbəsi endiriləcək - SEPAH
01:22 10.05.2026
Putin: Ukrayna ilə bağlı nizamlanma Moskva və Kiyevin işidir
Putin: Ukrayna ilə bağlı nizamlanma Moskva və Kiyevin işidir
01:10 10.05.2026
Putin Trampın təklifini qəbul etdi - Lavrov
Putin Trampın təklifini qəbul etdi - Lavrov
00:55 10.05.2026

Xəbər lenti

Hamısına bax