Dəriyə qulluq vasitəsi seçərkən tərkibindəki aktiv komponentlərə diqqət yetirmək vacibdir.
Sherg.az xəbər verir ki, dermatoloq Anastasiya Muraşkinanın sözlərinə görə, keyfiyyətli kosmetik məhsullar dərini nəmləndirən və onun qoruyucu baryerini gücləndirən maddələrdən ibarət olmalıdır.
Mütəxəssis bildirib ki, qliserin dərinin üst qatında nəmliyi saxlayaraq quruluq hissini azaldır. Bioaktiv su isə dərinin təbii nəmlənmə prosesini dəstəkləyir və ona sağlam görünüş qazandırır.
Dermatoloq vurğulayıb ki, dəriyə qulluq vasitəsi alarkən yalnız reklam və ya brendə deyil, məhsulun tərkibinə və aktiv komponentlərin funksiyasına diqqət yetirmək daha düzgün seçim etməyə kömək edir.
