“Fransanın İl-de-Frans əyalətində, Paris ətrafındakı Nanter qəsəbəsində yol polisinin əmrinə tabe olmayan 17 yaşlı qaradərili yeniyetmənin öldürülməsindən sonra ölkədə etirazlar baş qaldırdı. Etirazçılar ötən əsrin ikinci yarısından sonra Fransaya köçən Afrikalıların törəmələridir. Sistemə qarşı ümumi nifrət ruhuna böyüyürlər. Bu, Fransa müstəmləkəsi olmaq və qisasçılıq prizmasından böyük əhəmiyyət daşıyır. Lakin həll edici güc deyil. Çünki iki forma etiraz var: müxtəlif təşkilatların gücü ilə ortaya çıxan mitinqlər, biri də qaradərililərin qarşıdurması. Etirazlar əxminən 6 min nəfərin həbsi ilə yekunlaşdı. Bir neçə nəfərin xüsusi qəddarlıqla öldürülməsilə müşayiət olundu”.
Bunu Fransada səfərdə olan beynəlxalq məsələlər üzrə şərhçi Əziz Əlibəyli “Sherg.az”a açıqlamasında deyib. O bildirib ki, Fransa hakimiyyəti onların sosial tərkibini, gücünü bildiyinə görə sıradan çıxara bildi:
“Geriyə Fransaya güclü miqrant axını qaldı. Xüsusilə ərəb əsilli, afrika əsilli qaradərililərin rasizm üzərindən Fransada güclənən millətçilik duyğusu var. İstər-istəməz qrşıdurma ilə nəticələnir. Ənənəvi qayda da onların düşdüyü durumun səbəbkarı kimi Fransa göstərilir. İndiki məqamda etirazların Fransız xalqı və sarı jiletlilər üzərindən alovlanması gələcəkdə mümkün ola biləcək hal kimi görünür. Çünki inflyasiya var.
Söz yox ki, əhalinin maddi səviyyəsi çox yüksəkdir, aylıq gəliri 6 min euro olan toplumdan söhbət gedir. Əhalinin 60 faizindən yuxarısı kirayədə qalır. Artan kirayə xərcləri, inflyasiya kəndlilərin işini zorlaşdırır.
Son aksiyalar ciddi dağıntılarla yadda qaldı, mərkəzi küçələr dağıdıldı, ticarət mərkəzləri qarət edildi, müxtəlif şəxslərin maşınları yandırıldı, mülklərinə ciddi ziyan dəydi. Dövlət bunu öz büdcəsindən qarşılamağa məcburdur. Həll yolu kimi sadə əhalinin vergilərini artırmaq yoluna əl atdılar. Bu isə gələcəkdə yeni narazılıq səbəbi kimi qalmaqdadır”.
