Qarabağda törətdikləri cinayətlərə görə tutulan erməni separatçılarına ailələri ilə əlaqə imkanı yaradılıb.
APA xəbər verir ki, bu barədə “Alpha News” “Hayastan” fraksiyasının deputatı Geqam Manukyana istinadən məlumat yayıb.
Deputatın sözlərinə görə, qardaşı, qondarma Dağlıq Qarabağ Respublikasının Müdafiə Ordusu komandanının sabiq birinci müavini Davit Manukyan iki gün əvvəl övladları ilə əlaqə saxlayıb.
Eyni zamanda, 2015-2018-ci illərdə qondarma rejimin “müdafiə naziri” vəzifəsində işləmiş Lyova Mnatsakanyana yaxınları ilə əlaqə imkanı yaradılıb.
Qeyd edək ki, ötən gün separatçıların sabiq “dövlət naziri” Ruben Vardanyan da oğlu ilə danışıb. Oğlu, atasının vəziyyətinin yaxşı olduğunu bildirib.
